Trendi i ‘TikTok’ me tullumbacet kthehet në kampionat botëror
Zhvillohet për herë të parë në Spanjë Kampionati Botëror i tullumbaceve, i cili u organizua në një park argëtimi në Tarragona.
Pjesë e idesë së këtij kampionati është komentatori i famshëm spanjoll Ibai Llanos dhe futbollisti i famshëm i Barcelonës, Gerard Pique.
“Kupa Botërore e tullumbaceve”, u frymëzua nga një treshe vëllezërish nga Oregon në Shtetet e Bashkuara, videot e tyre virale në “TikTok” dhe “Instagram” kanë tërhequr miliona shikime.
Tridhjetë e dy vende konkurruan për titullin duke luajtur lojën, në të cilën pjesëmarrësit duhej të mbanin në ajër tullumbacen para se kundërshtari i tyre ta prekte atë.
Francesko De la Cruz, një adoleshent 18 vjeçar peruan, u bë kampioni i parë botëror i këtij turneu, pasi mposhti Jan Spiess nga Gjermania në një ndeshje finale 5 minuta, me rezultatin 6-2.
Vendi i tretë i takoi një 18 vjeçari spanjoll. Lojtarja e vetme vajzë e turneut, rusja Yana Rundenko, humbi kundër kundërshtarit nga Bolivia.
Ndeshjet u zhvilluan në një fushë 8x8 metra të mbushur me pengesa të ndryshme por si çdo kampionat ka fitues dhe humbës.
Fituesi mori 10 mijë euro, por 20 mijë euro u shpërndanë edhe mes 32 ekipeve pjesëmarrëse.
@tuwanrovio A long round in preparation of the Balloon World Cup! ##OneSliceChallenge ##StudentSectionSauce ##balloon ##foryou ##fyp ##Halloween
♬ original sound - Ronio