Dëshmi tronditëse nga sulmi me hark në Norvegji

 Autori i sulmeve me hark dhe shigjetë të mërkurën në Kongsberg, në Norvegjinë jugperëndimore, i  cili rezultoi në vdekjen e pesë personave dhe plagosjen e dy të tjerëve, është një danez, 37 vjeç, banues i përhershëm i qytetit.

Policia daneze vendosi të publikojë këtë informacion:

" Sulmi është më vdekjeprurës në Norvegji që nga korriku 2011, kur ekstremi i djathtë Anders Behring Breivik vrau 77 persona në dy sulme në Oslo dhe ishullin e vogël Uteja. Shumica e viktimave të tij ishin fëmijë në adoleshencë''.

Sipas mediave norvegjeze, autori i dyshuar e kishte njoftuar veprimin e tij paraprakisht, duke ngarkuar një video në YouTube disa ditë më parë.

 Sipas dëshmitarëve okularë, autori kishte në shënjestër njerëzit për 30 minuta, para se të ndërhynte policia. 

Një banor, Hansin, i cili ishte dëshmitar i sulmit pjesërisht, i tha rrjetit televiziv norvegjez TV2 se kishte parë një grua që përpiqej të mbulohej dhe "një burrë në qoshe të rrugës me një hark në dorë ".

 "Pastaj pashë njerëz që vraponin për të shpëtuar jetën e tyre. Midis tyre ishte një grua që mbante një fëmijë në dorë", tha ai për rrjetin televiziv.

Në vendngjarje u dërguan edhe helikopterë policie dhe helikopterë për të plagosurit, si dhe një ekip piroteknikësh.

 Drejtoria e Përgjithshme e Policisë Norvegjeze ka urdhëruar anëtarët e saj - oficerë policie që në përgjithësi nuk mbajnë armë në Norvegji - që të mbajnë armë përkohësisht në të gjithë vendin.

Mediat norvegjeze transmetuan fotografi që përshkruanin shigjeta të zeza, në dukje garash, të hedhura poshtë dhe të gozhduara thellë në një panel muri prej druri.

Në të kaluarën, Norvegjia, një vend tradicionalisht paqësor, është sulmuar nga përkrahësit e ekstremit të djathtë. 

Sulme të ndryshme xhihadiste janë penguar gjithashtu nga policia norvegjeze.