Dj Sardi rrëfen planet e së ardhmes me vajzën që i ka vjedhur zemrën
Dj Sardi është treguar gjithmonë paksa i fshehur nga kamerat sa i përket jetës së tij personale.
Vetëm para disa kohësh na zbuloi portretin e vajzës që i mori zemrën dhe tanimë në Instagramet e tyre nuk mungojnë deklaratat e dashurisë.
Çifti ka një vit që bashkëjetojnë dhe duken shumë të lumtur.
Pak dië më parë, Jonisa festoi ditëlindjen dhe Sardi ndau në Instagramin e tij një imazh, ku shiheshin të dy duke pozuar në bregun e detit.
“Gëzuar ditëlindjen gruaja që shpresoj ta kem gjithmonë krah vetes”,- ishte urimi i Sardit.
Teksa ishte i ftuar në “Pardon my french” ai foli rreth disa detajeve të tjera për lidhjen që ka me Jonisën dhe tha se kishte rreth 13 vite që e njihte, pra që në kohën kur të dy ishin gjimnazistë.
E ndërsa rreth planeve për një dasmë të mundshme së shpejti ai tha se: “Nuk mendoj të zgjeroj familjen për momentin, pasi dua të shijoj të gjitha fazat e lidhjes.
Do i marrim gjërat me radhë, një herë po shijojmë bashkëjetesën, më pas kemi dasmën dhe planet për fëmijë."