Europa League/ Villarreal në finale përballë Man United, eliminohet Arsenali

Villarreal kualifikohet në finale të Europa Leagues.

Spanjollët nuk morën më shumë se një barazim pa gola në përballjen ndaj Arsenalit në “Emirates” por siguruan biletën për finale për shkak të fitores 2-1 në ndeshjen e parë.

Në pjesën e dytë, Arsenali mori iniciativën dhe tentoi të shënonte, por që nuk patën sukses në shfrytëzimin e disa rasteve të mira. Në anën tjetër, Villarreali qëndroi mirë dhe rrezikonte përmes kundërsulmeve. Arsenali me gjithë ndryshimet që bënë, nuk arritën të shënojnë gol duke u eliminuar nga kompeticioni i dytë më të rëndësishëm për klubet europiane.

Tashmë, Villarreali do të ketë përballë skuadrën e Manchester United në finale të Europa League e cila do të luhet më datën 26 maj.