ZYRTARE: Eric Bailly rinovon me Manchester Unitedin

Mbrojtësi i Manchester Unitedit, Eric Bailly ka rinovuar kontratën.

Bailly ka nënshkruar kontratë 3-vjeçare me mundësi rinovimi për një tjetër. Lojtari ka thënë që është i lumtur me rinovimin e kontratës.

“Jam shumë i lumtur. Vendimi është diçka që nuk duhet ta mendoj, e dua klubin dhe të luaj për Unitedin. Jam gati dhe ndihem mirë. Kontrata e re është sfidë e re dhe jam i gatshëm”, theksoi ai.

Qendërmbrojtësi është pjesë e Man Unitedit që nga viti 2016 dhe ka arritur ta fitojë trofeun e Ligës së Evropës.