Skandaloze/ Spanja injoron në maksimum Kosovën, shikoni si ia shkruajnë emrin!
Spanja fitoi me rezultatin 3-1 nga Kosovës në ndeshjen e vlefshme për Kualifikueset e Botërorit “Qatar 2022”.
Ashtu siç kanë bërë gjatë gjithë kësaj kohe, mediat spanjolle vijojnë ironinë ndaj dardanëve. Televizioni Kombëtar që transmetoi ndeshjen, ka ironizuar teksa emri i Kosovës është i shkruar me të vogla.
Nuk munguan incidentet as para sfidës. Autoritetet vendase tentuan të hiqnin flamurin e Kosovës, por një gjë e tillë nuk është lejuar.
Pavarësisht përpjekjeve, flamuri ka qëndruar aty ku ishte vendosur që në fillim. Në Spanjë, si duket, akoma nuk e pranojnë realitetin më të ri që quhet: Kosovë. Kujtojmë që ky shtet nuk e njeh pavarësinë e vendit dardan.