Nuk ka luajtur ende me Kombëtaren, ja arsyeja e vërtetë e mosaktivizimit të Nedim Bajramit

Nedim Bajrami duhet të presë për të realizuar ëndrrën e madhe. Mesfushori kuqezi, i cili pak ditë më parë u pajis me pasaportën shqiptare, duket se ende nuk e ka marrë të gjithë dokumentacionin e nevojshëm nga FIFA për të luajtur një ndeshje zyrtare.

Duhet thënë se bëhet fjalë për çështje burokratike, të cilat pengojnë futbollistët, shkruan panorama sport. Ai më parë ka luajtur me moshat e Zvicrës. Bajrami akualisht luan me skuadrën e Empolit është grumbulluar me kombëtaren kuqezi pas paraqitjeve fantastike me skuadrën e tij në Serinë B italiane.