EMRI/ Kapet në Fier vrasësi i dënuar në Torino 14 vjet, ja si u lokalizua

Policia e Fierit ka vënë në pranga një 30-vjeçar, i cili ishte shpallur në kërkim ndërkombëtar dhe është  dënuar ne Itali me 14 vite burg për veprat penale  “Vrasje në bashkëpunim” dhe “Vjedhja me dhunë” kryer në bashkëpunim.

“Strukturat e Drejtorisë Vendore të Policisë Fier, në bashkëpunim me FNSH Fier dhe me Interpol Tirana, në vijim të punës për kapjen e personave të shpallur në kërkim ndërkombëtar, në bazë të informacioneve të siguruara në rrugë policore, kanë bërë të mundur lokalizimin, kapjen dhe arrestimin provizor, me qëllim ekstradimin drejt Italisë, të shtetasit Izmir Krasniqi, 30 vjeç, banues në Fermë Çlirim, Fier”, thuhet në njoftimin e policisë.

Ky shtetas ishte shpallur në kërkim ndërkombëtar nga Interpol Roma, pasi Gjykata e Torinos/ Itali e ka dënuar me 14 vjet burg, për veprat penale “Vrasje në bashkëpunim” dhe “Vjedhja me dhunë” kryer në bashkëpunim”, parashikuar nga Kodi Penal italian.

Interpol Tirana, në bashkëpunim me Interpol Romën, vijon procedurat për ekstradimin e këtij shtetasi drejt Italisë.