DETAJE/ Vrasja në Korçë, autori qëlloi tre herë drejt viktimës
Publikohen detaje të reja nga vrasja e 57 vjeçarit në Korçë.
Sipas News 24, dy plumba janë gjetur në trupin e viktimës ndërsa një plumb tjetër në zonën e krimit.
Ende nuk është gjetur arma e krimit.
Ka qenë bashkëshortja e viktimës ajo e cila kur ka hyrë ne shtëpi e ka gjetur të pajetë.
Viktima, baba i dy fëmijeve kishte ardhur vetëm me bashkëshorten dhe do të qëndronte disa ditë pasi kishte vëllain e sëmurë.
Kujtojmë se viktima Gramoz Nako, jetonte në Shtetet e Bashkuara të Amerikës dhe ishte kthyer në vendlindje vetëm dy ditë më parë.