Spalletti thyhen heshtjen, ka një mesazh pas shkarkimit
Antonio Conte është zyrtarisht trajner i Interit, teksa mëngjesin e sotëm ka firmosur kontratën që do ta mbajë për 3 sezonet e ardhshme të lidhur me klubin zikaltër.
Luciano Spalletti thyhen heshtjen pas shkarkimit dhe u drejtohet tifozëve zikaltër me një mesazh.
“Nuk është e vërtetë që shpesh kam qenë i vetmi që jam përballur me situatat, sepse ju e keni bërë këtë gjithmonë. Tifozë të fortë, fate të forta. Ju falënderoj për 2.530.311 emocionet”, shkroi Spalletti në Instagram, duke përdorur një foto të skuadrës së Interit, sezonin e kaluar.
Spalletti u ul në stolin e Interit në verën e 2017-ës dhe drejtoi skuadrën për dy sezone, duke ia dalë që në të dy rastet të kualifikojë skuadrën në Champions, vetëm në javën e fundit të kampionatit.