‘Vendi drejt izolimit’, Këlliçi: Largimi i Ramës është e vetmja shpresë për Shqipërinë
Kryetari i Forumit Rinor të PD Belind Këlliçi ka ftuar shqiptarët në protestën e së dielës.
“Me Edi Ramën Kryeministër, Shqipëria çdo ditë e më shumë po izolohet, shqiptarët po rikthehen në diktaturë, pa zgjedhje të lira, pa liri veprimi dhe mendimi, pa të drejtë prone e veç me burgosje politike”, shkruan Këlliçi në një postim në facebook.
Ja postimi i plotë i tij
Vendi drejt izolimit, largimi i Ramës është e vetmja shpresë për Shqiperinë.
Zyrtarizohet kërkesa e Holandës për bllokimin e lëvizjes së lirë për shqiptarët, një arritje historike e shqiptarëve 9 vite më parë, nën një proces të drejtuar nga Lulzim Basha si Minister i Brendshëm.
Me Edi Ramën kryeministër, Shqipëria çdo ditë e më shumë po izolohet, shqiptarët po rikthehen në diktaturë, pa zgjedhje të lira, pa liri veprimi dhe mendimi, pa të drejtë prone e veç me burgosje politike.
Sot ka vetëm një shpresë! Ose të reagojmë, ose të pranojmë në heshtje shtypjen dhe përçmimin.
Nëse nuk doni izolimin, ejani të dielën në orën 19:00.
Nëse doni demokracinë, protestoni të dielën në orën 19:00.
Nëse doni lirinë e pronës, ejani me datë 2 qershor, ora 19:00, para kryeministrisë.
Nëse doni zhvillim, punë dhe mirëqenie, bashkohuni me ne më datë 2 qershor.
Largimi i Edi Ramës është sot më i domosdoshëm se kurrë më parë!
Eduam #ShqiperinesiEuropa jo #JoShqiperiseKomuniste