FOTO/ Kim më e lumtur se kurrë për djalin e porsalindur: U frikësove më kot
Kim Kardashian u bë nënë për herë të katërt. Pavarësisht se vogëlushi erdhi në jetë disa ditë më parë, Kim bashkë me familjarët dhe miqtë e saj, e kishin organizuar ‘babyshower-in’ pothuajse një javë më parë.
Ylli i ‘Keeping Up With The Kardashians’ publikoi disa foto brenda festës, e cila është organizuar në kopshtin gjigant të shtëpisë së saj dhe të gjithë janë veshur të bardha. Ajo gjithashtu ka zbuluar se djali i saj është shumë i qetë dhe i bukur, ndërsa që tani, të gjithë e duan shumë.
Asnjë nga pjesëtarët nuk ka zbuluar asnjë detaj më tepër, megjithatë presim që së shpejti të zbulohet emri, si dhe pamja e tij.
Më pas ajo publikoi për ndjekësit e saj foto nga baby-shower i organizuar për të voglin, emri i të cilit nuk është zbuluar ende. Krahas fotove ,ku shohim të mbledhur të gjithë familjen Kardashian ajo ka shkruar:
“Ne festuam lindjen e djalit tonë javën e kaluar dhe tashmë ai është këtu. Është kaq perfekt. Isha e shqetësuar pa shkak pasi ai është vogëlushi më i qetë nga të gjithë fëmijët e mi dhe të gjithë e duan kaq shumë,”- u shpreh Kim.
Ky është fëmija e katërt i çiftit Kim Kardashian dhe Kanye West dhe i dyti i ardhur në jetë përmes një nëne mbartëse. Në fillim Kim ishte skeptike rreth lindjes së një fëmije të katërt, por mesa duket sapo ka marrë në krahë të voglin e saj nuk ka patur më dyshime.