Nëse Cakaj nuk është ‘dhëndëri’ i Ramës, pse nuk e përgënjeshtron?

Para disa javësh Gent Cakaj doli në një konferencë për shtyp dhe komunikoi shkarkime diplomatësh, sepse i akuzoi ata për nepotizëm. Madje duke u shprehur ndër të tjera se, “Sfida evropiane e Shqipërisë dhe agjenda jonë reformiste e kapërcimit të pellgut të ndenjur të së shkuarës, nuk përkon kurrsesi me nepotizmin, klientelizmin dhe korrupsionin moral në asnjë sektor e lëre më pastaj në përfaqësitë e Shqipërisë nëpër botë”.

Po prej ditësh mediat në Shqipër dhe Kosovë po ziejnë nga lajmi se, ministri i Jashtëm në detyrë bashkëjeton me vajzën e bashkëshortes aktuale të kryeministrit Edi Rama, Rean.

Vetë Gent Cakaj është shprehur tejet i mërzitur në një tjetër komunikim me gazetarët se shtypi merret me jetën e tij personale, duke harruar se në të tilla raste jeta e tij private është çështje publike, por as nuk e mohoi këtë bashkëjetesë.

Në fakt, nëse ky lajm është i vërtetë kemi të bëjmë me nepotizëm në nivelin më të lartë të qeverisë.

Tani lind pyetja: Gent Cakaj është vërtetë gjeni dhe shumë i lexuar, apo për çdo vjehërr dhëndëri i tij është më i miri?...