Dënim i çuditshëm për Igli Taren
Igli Tare protestoi ashpër pas takimit të kampionatit, ku Lazio humbi 1-0 në “San Siro” me Milanin.
Episodet në atë takim prodhuan shumë polemika, duke nxehur gjakrat mes Tares dhe arbitrave.
Shqiptari lëshoi një lumë kritikash mbi arbitrat dhe Gjykatësi Sportiv nuk e ka falur këtë reagim të drejtorit sportiv të kryeqytetasve.
Tare do të qëndrojë larg stadiumit deri në datën 30 prill. Pra, dënimi për drejtuesin e klubit lacial është deri në fund të muajit.
Për shqiptarin kjo nuk ishte hera e parë që përfshihet në të tilla polemika, pasi Lazio në javët e fundit ka protestuar ashpër ndaj vendimeve të “xhaketave të zeza”.