Milan humb sërish pikë, barazon përballë Udineses
Milan nuk ka marrë më shumë se 1 pikë në përballjen në “San Siro” kundër Udineses e vlefshme për javën e 30 në Serie A.
Të besuarit e Gattusos kanë humbur sërish pikë pasi barazuan 1-1 duke ndërlikuar situatën e kualifikimit sezonin e ardhshëm në Champions League.
Në minutën e 44’ ishte Krzysztof Piatek që shënoi golin për vendasit, ndërsa Udinese barazoi shifrat me anë të Lasagna (65’).
Deri në minutat e fundit të ndeshjes kuqezinjtë u përpoqën për të shënuar por nuk arritën dot të mposhtnin portierin kundërshtar.
Pas këtij barazimi, Milani mbetet në vendin e katërt me 52 pikë, 4 më shumë se ndjekësit e Lazios.