Ish-gjyqtari spanjoll: Goli i Ajaxit kundër Realit ishte i rregullt, ja arsyeja...
VAR-i debutoi zyrtarisht në Champions League në fazën 1/8-ave, dhe që në javën e parë të kësaj faze, u bë protagonist në takimin mes Ajaxit dhe Realit të Madridit.
Golin e Tagliaficos me kokë në minutën e 38-të, kryesori Scomina e anuloi pasi pa VAR-in.
Por në një prononcim për të përditshmen “Marca”, ish-gjyqtari spanjoll Andujar Oliver beson se goli ishte i rregullt.
“Sa më shumë që i shoh pamjet, aq më shumë bindem se goli ishte i rregullt”, tha Andujar për Radio MARCA.
“Tadic nuk e pengoi Courtoisin, ai nuk pati asnjë ndikim”, shtoi ai.