Abilekaj: Protesta e 16 shkurtit, opozita e ka marrë mesazhin nga të huajt

Analisti Enton Abilekaj ishte i ftuari i mbrëmjes së sotme në studion e lajmeve të SYRI.net.

Duke folur përballë gazetarit Alen Xhelili, Abilekaj tha se opozita e ka marrë mendimin e ndërkombëtarëve për protestën e 16 shkurtit.

Sipas tij, kërkesa e palëkundur e opozitës është largimi i Edi Ramës.

‘A do të kemi një faktor ndërkombëtar që të mbështesë opozitën, apo një faktor ndërkombëtar  që do të mbështesë qeverinë.

Zyrat diplomatike tashmë e dinë se çfarë projekti ka opozita. Duhet të jenë prezantuar qëndrimet  tyre tek opozita dhe me këto qëndrime do të futen në protestën e 16 shkurtit.

Me një kryeministër autokratik si Edi Rama, që mund të ushtrojë dhunë ndaj opozitës dhe që mund të bëjë show, si në rastin me ‘Çadrën’, kur shkoi deri në limitet se nuk mund të bënte më zgjedhje, pasi e braktisën edhe ndërkombëtarët’, deklaroi Enton Abilekaj në studion e SYRI.net.