Haradinaj s’lëviz nga qëndrimi për taksën
Kryeministri i vendit Ramush Haradinaj nuk ka lëvizur qëndrimin e tij rreth çështjes së taksës 100% ndaj mallrave serbe.
Kryeparlamentari Kadri Veseli, njëherësh kryetar i PDK-së, ka deklaruar se taksa 100 % nuk do të hiqet, por ajo mund të pezullohet për 120 ditë dhe me kushte, si mirëbesim ndaj SHBA-ve dhe BE-së për disa arsye.
Ndërkaq, kryeministri Ramush Haradinaj, njëherësh kryetar i AAK-së u ka shkruar një letër ambasadorëve të Quint-it dhe ambasadorit të BE-së në Kosovë, në të cilën i ka bërë të ditura kushtet për pezullimin e taksës 100 %.
Takimi po mbahet në objektin e Qeverisë, e në të njëjtën kohë po vazhdon seanca e Kuvendit me shumë pika të rendit.
Ndryshe, të shtunën është caktuar seanca për buxhetin e vitit 2019.