Dëmtimi lë Neymarin jashtë Championsit, ja sa do mungojë pas operacionit!
Paris Saint Germain merr lajmin e hidhur për Neymar.
Së fundi L’Equipe ka bërë me dije se sulmuesi duhet të operohet patjetër pasi ka thyer kockën e pestë të këmbës së tij, i njëjti dëmtim si një vit më parë, që e mbajti jashtë fushe për pjesën e dytë të sezonit.
Sot, në Paris ka udhëtuar mjeku i Brazilit, Rodrigo Lasmar, i cili e operoi një vit më parë. Ka qenë trajneri i “Selecao”, Tite, i cili e ka përcjellë mesazhin në Brazil dhe mjeku sot ka udhëtuar drejt Francës për të ndjekur nga afër situatën e 26-vjeçarit.
Të gjitha rrugët e çojnë drejt operacionit dhe rikthimi i tij në fushë parashikohet të jetë pas datës 15 mars sepse koha e rikuperimit të tij do të jetë të paktën 45 ditë.
Në bazë të llogaritjes Neymar do të mungojë në dy ndeshjet kundër Manchester United të vlefshme për fazën e 1/8 të Champions Leagues.
???? Touché au pied, Neymar sera écarté des terrains au moins jusque fin mars et manquera donc le 8e de finale de la Ligue des champions entre le PSG et Manchester United https://t.co/sYCW7qYZna pic.twitter.com/lG1MufMedm
— L'ÉQUIPE (@lequipe) January 28, 2019