ZYRTARE/ Cikalleshi prish kontratën me klubin turk, e ardhmja në udhëkryq
Sokol Cikalleshi ka ndërprerë bashkëpunimin me klubin e Goztepes.
Sulmuesi kavajas, i cili ishte i huazuar nga skuadra e Osmanlisporit, duket se nuk ka bindur drejtuesit e klubit të Superligës turke.
Lajmi është konfirmuar nga klubi i Goztepe në “Facebook” që shkruan:
“Si rezultat i bisedimeve me Sokol Cikalleshin, i cili u bashkua me stafin tonë në fillim të sezonit, kontrata e huazimit u ndërpre. Falënderojmë Cikalleshin për përpjekjet e tij dhe i urojmë suksese në karrierën e tij”.