Lojtari i Real Madridit gris fanellën, ‘kryqëzohet’ nga tifozët
Real Madridi po kalon një nga sezonet më të dobëta në histori.
Skuadra e drejtuar nga Santiago Solari u mposht pasditen e djeshme nga Real Sociedadi me rezultatin 2-0 në “Santiago Bernabeu” në kuadër të javës së 18-të në La Liga.
Lucas Vazquez u përjashtua nga ndeshja në minutën e 61-të, pasi kishte marrë kartonin e dytë të verdhë, dhe kjo e nervozoi atë.
Spanjolli duke dalë nga fusha grisi fanellën, teksa tentonte për ta zhveshur, dhe kjo u ka rënë në sy tifozëve të “Los Blancos”.
Shumë fansa kanë reaguar në rrjetet sociale, duke thënë se fanella është simbol i klubit, dhe se ajo duhet respektuar.