VIDEO/ Koço Kokëdhima uron SYRI.net Kosovën
Shtrirja e aktivitetit të portalit “SYRI.net” edhe në Kosovë po bën jehonë të madhe në mesin e personazheve të shumtë të fusha të ndryshme, politikës, artit, gazetarisë, etj.
Në ditët e kaluara ka patur disa reagime pozitive të njerëzve të njohur e me peshë në trevat shqiptare, ndërsa sot një urim ka ardhur edhe nga Koço Kokëdhima, i njohur si një ndër manjatët më të mëdhenj të mediave në Shqipëri, edhe si një politikan me një të kaluar në Partinë Socialiste, por që aktualisht është në drejtimin e Partisë Zgjidhja, të cilën ka themeluar vetë ai. .
“Një lajm i bukur vjen nga media e madhe online në Shqipëri, ‘Syri.net’. Me guxim ky portal i rëndësishëm ka hedhur hapin për t’u shtrirë edhe në Republikën e Kosovës.
Unë i përgëzoj dhe u uroj suksese, sepse po bëjnë atë që politika në të dy krahët e ka për detyrë, por ka dështuar që ta bëjë: integrim, bashkim dhe zhvillim mbarëshqiptar. Urime Syri.net Kosova”, shprehet Koco Kokëdhima.