Nedved thumbon Marotën: S’ka qenë kurrë juventin, dalja e tij si drejtues i Interit…

Transferimi i Xhuzepe Marotës tek Interi ka ndezur shumë shpejt rivalitetin me juventinët. Vëmendja e madhe që i ka dhënë media debutimit në “San Siro” të ish-drejtorit të përgjithshëm bardhezi duket se do të hapë një tjetër kapitull thumbimesh mes palëve, madje “lufta” në distancë ka nisur dhe i pari që ka vendosur t’i shtojë pak benzinë zjarrit ishte zëvendëspresidenti i Juventusit, Pavel Nedved:

“Dalja e Marotës në ‘San Siro’ si drejtues i Interit realisht më bën një përshtypje jo shumë të mirë. Nuk e diskutoj që Xhuzepe është një profesionist i madh, por ndoshta ai nuk është ndjerë dhe nuk ka qenë kurrë juventin, as gjatë 8 viteve që punoi me ne”, u shpreh ish-mesfushori çek.