Largohen nga Kombëtarja 3 lojtarë, rikthehen Hysaj dhe Basha
Kombëtarja e Shqipërisë është duke kaluar një moment jo të mirë dhe po kërkon të kalojë këtë situatë.
Këtë gjë e pranoi edhe vetë trajneri Christian Panucci në konferencën për shtyp, teksa kërkoi nga një “ulërimë” nga lojtarët për sfidën e nesërme me Uellsin.
Veç krizës psikologjike të shkaktuar nga rezultatet negative, Kombëtarja do të vuajë edhe 3 mungesa, për shkak të dëmtimit.
Emanuele Ndoj, Berat Gjimshiti dhe Egzon Binaku kanë lënë grumbullimin dhe nuk do të jenë të gatshëm për sfidën e nesërme.
Dëmtimet kanë detyruar këta 3 futbollistë që të rikthehen të klubet e tyre për të vijuar fazën e rikuperimit.
Kujtojmë që në dispozicion të trajnerit do të rikthehen Elseid Hysaj dhe Migjen Basha, të cilët ishin të pezulluar me kartonë ndaj Skocisë.