FOTO/ A është sopranja e njohur greke sozia e Emina Çunmulajt

Emina Cunmulaj ishte ylli në qendër të “Vip Club” të dielën e shkuar.

Pasi rrëfeu në ç’orë zgjohet (herët), ç’plane kishte për atë fundjavë (Paris) dhe cili është dizajneri i preferuar (Jean-Paul Gaultier), iu përgjigj edhe pyetjes “a të kanë krahasuar ndonjëherë me një modele tjetër?”

Sigurisht që jo, sepse modelet duhet të jenë të gjitha unike në mënyrën e tyre.

Eminën e kishin krahasuar me një soprano greke, me Maria Callas.

Kureshtarë, kërkuam më tej për t’i vënë dhe ne re ngjashmëritë. A është Maria Callas sozia e Emina Cunmulaj, apo anasjelltas?

 Maria Callas është ndër sopranot më të vlerësuara dhe më të rëndësishme të shekullit të 20. Kritikët lëvdonin teknikën e saj bel canto, zërin e fuqishëm dhe intepretimin dramatik.

Callas u lind në New York dhe u rrit nga një nënë që donte dëshpërimisht një djalë. Fillesat e edukimit muzikor i mori në Greqi dhe e nisi karrierën e saj në Itali.

Nga kolazhet, vëmë re se Maria dhe Emina kanë buzë dhe hundë të ngjashme. Fytyra e Callas është më e rrumbullakët, ndërsa e Eminës më e gjatë.

Kur i kanë flokët e mbledhura, aty ngjajnë më së shumti me njëra-tjetrën.