FOTO/ Egërsohet moti në Itali, dhjetë të vdekur dhe dhjetra të plagosur
Ka arritur në 10 numri i të vdekurve prej motit të keq që ka pushtuar Italinë. Ekipet e shpëtimit kanë nxjerrë trupin e një gruaje të vdekur në Dimaro, në Val di Sole, ku është përmbytur përroi Meladrio. Në Bolzano një pemë ka rënë nga era e fortë dhe ka shkaktuar edhe aty të vdekur.
Numri i të vdekurve ishte tetë deri në oën 8:)0 të së martës, por ka arritur në 10 në 9:30; dhjetra vetë janë plagosur, ndër ta dhe disa zjarrfikës. Qytetarët në vështirësi kanë bërë gati 3500 thirrje për zjarrfikësit. Pemët e rëna ose gati në të rënë janë shkaku kryesor i incidenteve fatale.
Shpejtësia e erës ka kapur rekordin në Liguria, me maksimumin 180 km në orë matur në Marina di Loano, në zonën e Savonës.
Lumenjtë, në Veneto dhe Friuli, janë nën vëzhgim të rreptë. Po ashtu, alarmi është dhënë në Lombardi.
Kryetari i Mbrojtjes Civile, Andrea Biorreli, tha se Adige, Tagliamento, Brenta e Isonzo janë në situatë kritike dhe për këtë po shyqrtohet mundësia e hapjes së një tuneli të papërdorur për vite me radhë që të lejojë rrjedhjen e ujit në liqenin Garda.
Ky vendim do të merret në Komitet në orët e ardhshme.
Situata në provincën e Bellunos është gjithashtu shqetësuese. Ka rreth 110 mijë njerëz pa energji elektrike dhe ka rrëshkitje dherash.
Nata ka qënë e vështirë në Toska, në Trentino; probleme me qarkullimin hekurudhor ka pasur në Xhenova./SYRI.NET