VIDEO/ Pjerin Ndreu për arrestimin e shokëve/ Skandaloze mënyra dhe me dy standarde
Kanë ardhur reagimet e para nga deputetët e PS-së, për arrestimet e policisë.
Deputeti socialist i Lezhës, Pjerin Ndreu duket se ka qenë më i ashpri nga të gjithë.
Duke folur pas mbledhjes se grupit të PS-së, Ndreu i cili ka sulmuar policinë duke i cilësuar arrestimet si skandaloze dhe me dy standarde.
Deputeti socialist Pjerin Ndreu, njihet për miqësinë e tij të fortë me ish-deputetin e Lezhës, Arben Ndoka, i cili u arrestua mbrëmjen e djeshme.
‘Nuk marr përsipër të gjykoj provat. Kam rezerva për mënyrën skandaloze të veprimit, sjelljen skandaloze dhe se si kanë vepruar me mënyrën e arrestimit.
Dhe praktikimin e dy standardeve, një grup që quhet i parëndësishëm dhe merret prokuroria lokale dhe një grup tjetër që merret prokuroria e krimeve të rënda.
Duhet shihen me qetësi këto gjëra. Ne si forcë politike nuk mbështesim asnjë veprim të paligjshëm, por mënyra e të proceduarit të Prokurorisë dhe policisë në dy raste të ndryshme në Lezhë është e habitshme.
Të presim verdiktin e drejtësisë e të flasim për të tjerat’, është shprehur deputeti Pjerin Ndreu pas mbledhjes se grupit parlamentar të PS.