VIDEO/ Roma dështon në ‘Olimpico’ me Spalin, rezultat i papritur
Java e nëntë e Serie A ka filluar me surpriza. Skuadra e Romës është mposhtur në “Olimpico” nga SPAL, me rezultatin 0-2.
Golin e parë të takimit e realizoi Andrea Petagna, nga pika e bardhë (38’).
Pjesa e parë u mbyll me një gol epërsi në favor të miqve.
Në pjesën e dytë, kur pritej përgjigje nga Roma, ndodhi e kundërta.
Luhej minuta e 56-të kur Kevin Bonifazi dyfishoi epërsinë për SPAL.
Me këtë rezultat, Roma pozicionohet në vendin e 6-të (përkohësisht) me 14 pikë, kurse SPAL ngjitet në vendin e 13-të me 12 pikë të grumbulluara.