Bajerni në krizë, turpërohet në shtëpi nga Monchengladbach
Borussia Monchengladbach ka befasuar të gjithë pasi ka mposhtur Bajernin me rezultatin 3-0.
Skuadra e trajnerit kroat Nico Kovac është zhytur në krizë të thellë rezultatesh pasi më parë kishte pësuar një humbje dhe një barazim në dy ndeshjet e vlefshme në Bundesligë.
Fillimisht Plea shënoi në minutën e 10 dhe Stindl vetëm gjashtë minuta më vonë dyfishoi shifrat në 2-0.
Përpjekjet e kampionit aktual të Bundesligës në pjesën e dytë nuk mjaftuan për ta shmangur humbjen e dytë më radhë në ligën gjermane.
Herrman shënoi golin e tretë për miqtë që turpërojnë bavarezët në “Allianz Arena”.
Pas kësaj fitore, Monchengladbach renditet e dyta me 14 pikë, tri më pak se kryesuesit e Dortmundit.
Ndërkohë, Bayerni bie në vendin e 5-të me 13 pikë.