Opozita nuk i bashkohet Kuvendit, por mblidhet në Durrës

Grupet parlamentare të opozitës nuk do të jenë nesër të pranishëm në seancën e parlamentit.

Siç ishte paralajmëruar edhe më parë, ata do të mblidhen në Durrës.

Në një njoftim të bërë nga selia blu, mësohet se opozita do të mblidhet dhe do të zhvillojnë mbledhjen e grupit gjatë ditës së nesërme në orën 10:00 në Durrës, tek hotel ‘Adriatik’.

Fjalën hyrëse do ta mbajë kreu i PD-së, Lulzim Basha dhe do të jetë e hapur për mediat.