VIDEO/ Dua Lipa nuk ndalet, kërcen mbi tavolina
Kënga “Tavolina” ka qenë një prej hiteve më të mëdha të vitit 2014 që vazhdon të dëgjohet sot e kësaj dite.
Bashkëpunimi i Ermal Fejzullahut, Lumi B dhe Ledri Vulës numëron mbi 30 milionë shikime në YouTube dhe dëgjohet me kënaqësi nga fansat e këngëtarëve.
Ndërsa kjo këngë ka rezultuar e pëlqyeshme edhe për këngëtaren shqiptare me famë botërore, Dua Lipa.
Gjatë Festivalit Sunny Hill, 22-vjeçarja është argëtuar në masë të madhe duke shijuar muzikën vendore.
Ndërsa pikërisht kënga “Tavolina” duket të ketë qenë ndër të preferuarat e Duas, e cila është parë duke vallëzuar dhe duke e kënduar refrenin.
Një video nga argëtimi i saj e ka publikuar vet Ermal Fejzullahu, i cili është shprehur krenar që ajo pëlqen këngën e tyre.
“Është kënaqësi ta shohësh një artiste që e do e gjithë bota duke u kënaqur me këngët tona. Krenar me ty Dua”, ka shkruar Ermali në përshkrim.