Nishani: Kosova, Jerusalemi ynë dhe kolona kryesore e sigurisë kombëtare

Ish-presidenti Bujar Nishani ka reaguar lidhur me debatet që kanë shpërthyer së fundi për kufinjtë e Kosovës.

Përmes një statusi në ‘Facebook’ Nishani thekson se Kosova nuk është një çështje e thjeshtë e një shteti, por ‘Kolona Kryesore e Sigurisë Kombëtare për shqiptarët’.

Mes të tjerash ai e cilëson Kosovën ‘Jerusalemi i shqiptarëve’, ndërsa shtoi se nga aty kanë nisur dhe kryengritjet për liri.

Reagimi i ish-presidentit Nishani

Kosova nuk është çështje thjesht e një shteti por Kolona Kryesore e Sigurisë Kombëtare për shqiptarët.

Në Shqipëri, Kosovë, Maqedoni, Mal të Zi, Luginë apo kudo qofshin ata, anekënd botës.

Jo rastësisht, ndër shekuj, kryengritjet për liri të shqiptarëve kanë nisur nga Kosova.

Ndaj Kosova është Jerusalemi i shqiptarëve.