Putin fton Trump në Moskë, thotë se është gati të vizitojë Shtëpinë e Bardhë

Presidenti rus Vladimir Putin ka bërë të ditur se ka ftuar Presidentin e Shteteve të Bashkuara Donald Trump të vizitojë Moskën dhe shtoi edhe se është i gatshëm të shkojë në Shtëpinë e Bardhë.

Putin iu tha reporterëve në Afrikën e Jugut se bisedat telefonike nuk ishin të mjaftueshme dhe dy presidentët duhet të flasin për marrëveshjen bërthamore me Iranin dhe çështje të tjera.

‘Jemi gati për takime të tilla, jemi gati të ftojmë Presidentin Trump në Moskë.

Ai e ka marrë tashmë ftesën dhe kam folur me të’, tha Putin, sipas një përkthimi të raportuar nga CNN.

Putin tha edhe se duhet të ketë disa ‘kushte të nevoshjme’.