Cungu ka peng që Kukësi nuk i shënoi Qarabakut: Na mungoi qetësia
Në stadiumin “Loro Boriçi” të Shkodrës u luajt ndeshja e parë e turit të dytë të Ligës së Kampioneve mes Kukësit dhe Qarabagut, shkruan SYRI.net.
Ky takim përfundoi pa gola, ku kuksianët u mbrojtën mjaft mirë, teksa rrezikuan me anë të kundërsulmeve.
Pas ndeshjes trajneri i verilindorëve, Armando Cungu, deklaroi:
“Përgjithësisht ishte një ndeshje e mirë, ndaj një kundërshtari që ka nivel të lartë.
Nëse do të luanim më të hapur, do të ndëshkoheshim.
Mund edhe të kishim fituar, por na mungoi qetësia e duhur.
Kishim dy-tre raste që mund të shënonim dhe të ndëshkonim kundërshtarin”.