Çudi nga Botërori/ Lojtari më i shpejtë i ekipit është zëvendësues
Në 4 nga 5 ndeshjet e luajtura deri më tani në Botërorin “Rusi 2018”, sulmuesi i Anglisë, Marcus Rashford, e ka nisur ndeshjen nga stoli (ka qenë titullar vetëm ndaj Belgjikës), duke luajtur shumë pak minuta.
E megjithatë, kaq ka mjaftuar që lojtari i Manchester United të vendosë rekordin e futbollistit më të shpejtë të Kombëtares angleze në Botëror, duke vrapuar me shpejtësinë 33.77km/orë.
Dhe këtë gjë e ka bërë në vetëm 5 minuta lojë që sulmuesi i “3 luanëve” u aktivizua në ndeshjen çerekfinale ndaj Suedisë.
Rashford hyri në fushë në minutën e fundit, duke zëvendësuar Sterling, por ka mjaftuar një sprint i fuqishëm në minutat shtesë që të regjistrojë rekordin e lojtarit më të shpejtë anglez në “Rusi 2018”.