Tronditet qeveria britanike, Sekretari i Brexit David Davis jep dorëheqjen
Sekretari i Brexit David Davis, i cili ka udhëhequr negociatat për të lënë BE, ka dhënë dorëheqjen nga qeveria e Mbretërisë së Bashkuar. Në letrën e tij të dorëheqjes, Davis kritikoi planin e Brexit të kryeministres, të dakorduar nga kabineti të premten.
Në përgjigjen e saj, kryeministrja May tha se nuk ishte dakord, por e falënderoi për punën e tij. Ministri i ri Steve Baker u largua menjëherë pas Davis , ndërkohë që May përgatitet të përballet me deputetët dhe kolegët e saj.
Në letrën e tij, Davis i tha kryeministres May se "trendi aktual i politikës dhe taktikave" po e bënte atë "të duket gjithnjë e më pak e mundshme" se Britania e Madhe do të linte bashkimin doganor dhe tregun e vetëm. Ai tha se qasja negociuese e qeverisë "nuk do të çojë vetëm në kërkesa të mëtejshme për koncesione" nga Brukseli.
Davis, i cili u emërua sekretar i Brexit në vitin 2016, tha: "Drejtimi i përgjithshëm i politikës do të na lërë në një pozicion të dobët negociues”.
May tha se “ju falënderoj ngrohtësisht për gjithçka që keni bërë ... për të mundësuar largimin tonë nga BE ".