FOTO/ Rita, Dua dhe Era – tifoze të Anglisë
Këngëtaret shqiptare me famë botërore, Rita Ora, Dua Lipa dhe Era Istrefi, kanë bërë publike preferencat e tyre për Kampionatin e sivjetmë Botëror.
Gjatë ditës së shtunë është zhvilluar ndeshja çerekfinale ndërmjet Suedisë dhe Anglisë, të cilën e fituan “Tre Luanët” dhe u kualifikuan në gjysmëfinale.
“Futbolli po vjen në shtëpi” – këndonte Rita
Shqiptaret e famshme, përmes profileve të tyre në rrjetet sociale, kanë treguar mbështetjen e tyre për Anglinë.
Rita, e cila ndodhej në Poreç të Kroacisë, ka publikuar një video nga plazhi, duke kënduar: “Futbolli po vjen në shtëpi”.
Postimi i Duas në InstaStory
Dua e ka publikuar një video, duke e shikuar ndeshjen, ndërsa e ka shoqëruar me simbolet e shpresës për sukses.
Takimin ndërmjet Suedisë dhe Anglisë e ka parë edhe Era, e cila dëgjohej duke thënë: “Përpara Angli”.
“Përpara Angli” – ishin fjalët e Erës
Theksojmë se Era Istrefi e ka kënduar himnin e sivjetmë të Kampionatit Botëror, “Live It Up”, së bashku me Nicky Jam dhe Will Smith.