Niseni ditën me biskota me kanellë - Receta
Janë shumë të shijshme dhe shoqërohen mjaft mirë me një gotë qumësht ose një filxhan kafe. Për të bërë biskotat me kanellë na duhen:
Një petë sfoljatë
Gjalp i shkrirë
Sheqer
Kanellë
Një filxhan sheqer pluhur
Një lugë çaji qumësht
Përgjatitja:
Hapim petën e sfoljatës dhe presim cepat, duke krijuar një formë drejtkëndëshe. Përhapim me një furçë gjalpin e shkrirë në të gjithë sipërfaqen dhe më pas shtojmë sheqerin, si dhe kanellën.
E rrotullojmë duke e mbledhur në formë cilindri dhe më pas e presim me thikë, duke ruajtur distancën nga një biskotë tek tjetra.
I fusim në furrë dhe i pjekim për 10 ose 15 minuta (në varësi të trashësisë që kemi prerë biskotat) në temperaturën 180°C.
Ndërkohë në një tas hedhim sheqerin pluhur dhe e përziejmë me qumështin, derisa të jetë bërë një masë kompakte. Biskotat shoqërohen me kremin e krijuar.