VIDEO/ Portugalia i falet Ronaldos, Maroku i jep lamtumirën Botërorit

Në “Luzhniki Stadium” të Moskës u luajt sfida e vlefshme për Grupin B të Botërorit ndërmjet Portugalisë dhe Marokut, shkruan Syri.net.

Falë Cristiano Ronaldos, Portugalia fiton 1-0, duke arritur fitoren e parë në grup.

Ylli i Real Madridit shënoi me kokë që në minutën e 4-t, teksa më pas Maroku u mundua të barazojë, por nuk ja del.

Portugezët administrojnë rezultatin dhe me tri pikët e marra ngjiten përkohësisht në krye të Grupit B, duke pritur të qetë takimin e orës 20:00 mes Spanjës dhe Iranit.

Maroku pëson humbjen e dytë, duke i thënë lamtumirë Botërorit, pasi nuk ka më shanse për kualifikim.