Ndërron jetë ish-futbollisti i njohur dhe politikani Perikli Dhales
Ka ndërruar jetë një nga emrat e njohur të futbollit shqiptar dhe një figurë e politikës shqiptare po ashtu, Perikli Dhales.
Miq të tij kanë njoftuar në rrjetet sociale se Dhales vdiq pas pas një sëmundje të rëndë dhe akute.
Në rininë e tij ai qe futbollisti dhe kampioni i klubit Tirana e më pas vijoi një jetë në politikë, si ish-Kryetar i PD, njësia 8, Tiranë dhe në poste zyrtare.
Miku i tij Ervis Xhako njofton se varrimi për Perikli Dhales bëhet sot, të enjten, ora 17:00 në varrezat e Tufinës.
"Ngushellime të sinqerta bashkëshortes së tij Donika dhe dy djemve Frenklit e Hertit! Të qoftë dheu i lehtë e u prehsh në paqe, Pere!" përfundon Xhako mesazhin e tij.