U var edhe me firmën e Kristaq Ramës/ Pas 30 vjetësh Havzi Nela ‘ringjallet’ dhe mbërrin në Kukës
Do të ishte viti 1988 kur diktatura komuniste do të jepte vendimin e saj të fundit të tmerrshëm.
Presidiumi i Kuvendit Popullor ku bënte pjesë edhe Kristaq Rama, (babai i Edi Ramës) do të vendoste për ekzekutimin me varje të poetit kuksian Havzi Nela.
I arratisur dy herë dhe i dënuar po aq, Nela ishte nga ata intelektualët që nuk do të bindej dhe ishte armik i pushtetit komunist.
Për këtë arsye ai do të varej në vendin e njohur si ‘Agjencia’ në Kukës.
Por dje, 30 vite më pas Havzi Nela është ‘ringjallur’ dhe ka shkuar në qytetin e tij, të Kukësit.
Një ditë më parë është përuruar busti i poetit kuksian, përballë shkollës së mesme që mban edhe emrin e tij në qytetin e Kukësit.