Mbërrin për testet mjekësore, Kluivert zgjedh klubin e ri

Tashmë gjithçka është zyrtare. Justin Kluivert ka mbërritur në Romë.

Sulmuesi i ri holandez në mbrëmjen e ditës së hënë ka zbarkuar në Romë, ku është pritur me entuziazëm të madh nga tifozët e kësaj skuadre, shkruan BBC, raporton SYRI.net.

Roma ka arritur marrëveshje me Ajaxin për transferimin e 20 vjeçarit, i cili është i biri i legjendës Patrick Kluivert.

Justin Kluivert gjatë ditës së martë do t’i kryejë testet mjekësore për t’u zyrtarizuar pastaj te skuadra e Romës.

Raportimet e fundit bëjnë me dije se Kluivert ka rënë dakord për të nënshkruar një kontratë 5-vjeçare nga e cila do të përfitojë 1.4 milionë euro në sezon.