VIDEO/ Fizioterapisti i Zvicrës tregon si është gjendja e Granit Xhakës

Dëmtimi i frikshëm që Granit Xhaka ka pësuar në stërvitje sot, në një ditë me shi, ka shokuar Zvicrën, pasi është rrezikuar paraqitja e liderit të tyre në Kupën e Botës “Rusi 2018”.

Xhaka u dëmtua në stërvitje pas një ndërhyrjeje të Valon Berhamit dhe doli jashtë fushe me dhembje të këmbës.

Një veturë private e ka marrë atë dhe ka dërguar në hotelin ku po qëndron Kombëtarja e Zvicrës.

Xhaka më pas është takuar me fizioterapistin e Kombëtares, Fournier, i cili ka ekzaminuar gjurin e lojtarit.

Në raportin e Fournier, thuhet se Xhaka ka dhimbje brenda gjurit të majtë, mirëpo asgjë nuk mund të qartësohet para se ai të bëjë rezonancën magnetike.