Denoncimi/ Të sëmurëve me hepatit B u ulet rimbursimi, ilaçet pa asnjë efeket pozitiv
Ish-kryeministri Sali Berisha ka denoncuar sot nje situate aspak te mirë të të sëmureve me Hepatit B.
Berisha ka publikuar nje mesazh ne faqen e tij në Facebook, ku nje qytetari thote se: Deri para një muaj një i semurë kronik me hepatit B (mjekime të nevojshme përditë), paguante 7500 lekë në muaj, dhe pjesa tjetër rimbursohej. (është mjekim i shtrenjtë).
Tani, sot qe flasim, me listen e re, Ministria jonë e Shendetësisë këtë mjekim e rimburson në një masë të papërfillshme, dhe pacienti duhet të paguajë (20.000 lekë) në muaj”.
Qytetari denoncon edhe një skandal tjeter që bëhet publik nga ishkryeministri, atë që ilaçat e rekomandura në listen e barnave të rimbursueshme nuk kane asnje efekt pozitiv te të semurët.
Ja shënimi i plotë i ish-kryeministrit Sali Berisha në Facebook:
I semuri dixhital denoncon:
Mashtrimin e qeverise me listen e rimbursimit te barnave! sb
“ I nderuar Z Berisha. Po ju shkruaj per nje shqetesim i cili na ka prekur familjarisht dhe per te cilin dua te mbetem anonim.
Keto dite flitet shume per listen e rimbursimeve te ilaceve. Ajo cka ben ministria jone e shendetesise eshte e tmershme, duke hequr shume mjekime te nevojshme nga lista e mjekimeve.
Ne kete rast dua te ngre shqetesimin lidhur me rimbursimin e mjekimeve per te semuret kronike me hepatit B. Deri para nje muaj nje i semure kronik me hepatit B (mjekive te nevojshme perdite), paguante 7500 Leke ne muaj, dhe pjesa tjeter rimbursohej. (eshte mjekim i shtrenjte). Tani, sot qe flasim, me listen e re, ministria jone e shendetesise kete mjekim e rimbuson ne nje mase te paperfillshme, dhe pacienti duhet te paguaje (20.000 leke) ne muaj. Por, qeveria jone pervec ketij mjekimi (prodhim patente i Gilead/ irlandez), ka vendosur ne liste edhe 2 mjekime turke (te cilat te konfirmuara nga nje mjek i njohur gastrohepatolog, nuk kane asnje efekt pozitiv te te semuret). (sipas tij, me nje kokerr te mjekimit origjinal, firmat turke prodhojne 30 te tilla), a mund te thote ministria e shendetesise cfare efekti mund te kete ky mjekim te i semuri kronik. Pra per hir te mafjes farmaceutike, keta te semure nuk kane mundesi te sherohen, por te keqesohen, pasi qeveria jone nuk do qe ata te sherohen. Qeveri kriminele. Kush eshte ai qe ka mundesi te paguaje 20000 leke ne muaj per nje mjekim i cili te pakten mendohet te beje efekt?? Kjo qe po ndodh sot me mafjen farmaceutike ne vendin tone eshte nje fatkeqesi e madhe qe po i behet popullit, te lutem shperndajeni kete mesazh Z. Berisha ne anonimitet. Ju faleminderit!”