Vendimi për Tahirin/ Basha: Loja vazhdon, ja çfarë fshihet pas arrestimit
Kreu i opozitës Lulzim Basha e ka cilësuar vendimin e Gjykatës për lënien arrest shtëpie të ish-ministrit të Brendshëm Saimir Tahiri, si një lojë të Ramës.
Në reagimin e tij Basha thekson se kjo e sotmja nuk ishte vendim i drejtësisë, por vendim politik i Ramës.
Deklarata e Bashës:
Loja Rama-Tahiri vazhdon.
Arresti i shtëpisë i Saimir Tahirit nuk është vendim i drejtësisë, por vendim politik i Edi Ramës. Ky është dorëzimi i kontrolluar që paralajmëruam vetëm 3 ditë më parë, pjesë e paktit mafioz Rama-Tahiri.
Saimir Tahiri duhet të ishte sot në qeli dhe jo në arrest shtëpie. Qeveri partnere kanë sjellë javët e fundit të tjera prova që rikonfirmojnë se Saimir Tahiri ishte pjesë aktive e organizatës kriminale të Habilajve për trafikun e drogës.
Arresti i shtëpisë për Saimir Tahirin është mashtrimi i rradhës i Edi Ramës ndaj shqiptarëve dhe partnerëve ndërkombëtarë.
Kjo është po kështu prova se lëvizjet e paligjshme në prokurori kanë për qëllim mbylljen e dosjes Tahiri.
Tahiri nuk burgoset dhe as nuk dënohet sepse e mbron dhe e ruan Rama. Sepse Tahiri dhe Rama janë një.