Trajneri i Real Madridit, Zinedine Zidane mendon se Cristiano Ronaldo e meriton "Topin e Artë" për shkak të arriturave që ka pasur në sezonin e fundit.

Në një deklaratë për mediat trajneri francez ka surprizuar sadopak pasi nuk ka zgjedhur bashkombasin e tij Antoine Griezmann por portugezin të cilin e ka në skuadër.

"Ai është unik, dhe ato që ai ka arritur janë unike. Nëse ju shikoni se çfarë ka bërë gjatë vitit, mund ta kuptoni se të arriturat e Ronaldos janë mbresëlënëse. Çfarë ai ka arritur në vitin 2016, jo vetëm në baza individuale, ka qenë i mrekullueshëm. Ai e meriton të fitojë "Topin e Artë", në mënyrë të qartë ", u shpreh ai.