Pëplasja fizike mes banorëve të fshatit Mbyet dhe policisë rendit  në Fier, ka ndodhur pak protestës kundër ndërtimit të fabrikës së përpunimit të mbetjeve në këtë zone. Banorët u shprehën se “nëse do të ndërtohej një park lojrash apo lulishte do ta falja vetë tokën, por jo të sillen helme”.

Me këtë thirrje banorët e fshatit Mbyet kanë dalë sërish në protesta, duke i kërkuar qeverisë dhe bashkisë së Fierit, të anulojë koncesionin për ndërtimin e fabrikës së përpunimit të mbetjeve, siç thonë ata  fare pranë banesave të tyre.

Gjatë protestës banorët janë përleshur edhe me kryeplakun e fshatit, të cilin e akuzojnë se ka firmosur për pranimin e ndërtimit të këtij impianti në këtë zonë.